تعالو نصلى بجد

المساهمات : 10 تاريخ التسجيل : 09/06/2008 العمر : 34

[size=16]انك تروحله ..

تروحله .. بالمك .. بحزنك .. بوجعك .. بخوفك ..و بحبك ..

انك من اول ما ترفع ايدك و تقول الله اكبر .. تبكي من قلبك .. تلاقي عينك بتنهمر بالدموع .. و قلبك طاير من الفرحه ..

يااااه طب ليه كل دا .. اصل انا رايحه اقابله .. مش مصدقه .. بقى يارب انا دلوقت بين يديك .. انت دلوقت مقبل عليه وانا بصلي ..
بقى يارب انا اسوى ايه ف ملكك عشان مجرد ما ادخل ف صلاتي و اقول الله اكبر تقبل عليه وانا بصلي ..
انا اقل من كدا خالص .. جيالك بذنوبي و بتقبلني ..

(( الحمد لله رب العالمين)) .. حمدنى عبدى .. ياااااااه انا ايه فى ملكك يارب علشان تسمعنى وانا بحمدك

(( الرحمن الرحيم ..)) .. اثنى على عبدى

(( مالك يوم الدين.)) .. مجدنى عبدى

(( اياك نعبد واياك نستعين)) .. استعان بى عبدى .. انا ماليش غيرك يارب استعين بيه فى حياتى .. كل السبل تنقطع الا سبيلك وكل الطرق تنقطع الا

طريقك

(( اهدنا الصراط المستقيم* صراط الذين انعمت عليهم * غير المغضوب عليهم ولا الضالين امين)) هذا كله بينى وبين عبدى

عنيك تنهمر بالدموع .. تبكي من حبك له و احساسك قد ايه انت دلوقت قريب .. فرحانه .. ايوا فرحانه اوي لاني معاه دلوقت قريبه منه اوي ..
استشعرت احلى حب ف حياتي .. حبك يارب و انا معاك

الله اكبر ...ركعت ..

سبحان ربي العظيم .. سبحان ربي العظيم .. سبحان ربي العظيم ..
سبوح قدوس رب الملائكه و الروح .. سبوح قدوس رب الملائكه و الروح .. سبوح قدوس رب الملائكه و الروح ..
سبحان ربي العظيم و بحمده ..

ابكي .. ايوا ابكي من احساسك بفضله و جوده .. قولها من قلبك و انت راكع لذي الجبروت الحي الذي لا يموت قوله يارب لم اكن اركع او انحني لغيرك لانك عزتني و شرفتني .. وانت اغنى الاغنياء .. احسنت خلقي و رفعتني .. اقل حاجه اعملها اني انحني شكر لنعمتك يارب .. و لو قدرت انحني لعظمتك طول حياتي مقدرش اوفي و لو اقل جزء صغير من نعمتك ..

سمع الله لمن حمده ((( ربنا لك الحمد ))
تاكيد .. تاكيد من جواك بعد ما تقول سمع الله لمن حمده ان ربنا دلوقت سامعك وانت بتحمده .. عنيك منهمره بالدموع .. ازاي يارب وانا عبدك المقصر ال كلي ذنوب مجرد ما احمدك لمره واحده تكون سمعني .. قد كدا عفوك كبير ..

الله اكبر ... سجدت ...
اول ما سجدت .. دموع ..و بكاء من احساسي بحبه ..
معرفش جت منين .. كاني اول مره اسجد بين ايده .. احساسي بحبه جوى قلبي كبير اوي ..

سبحان ربي الاعلى قولها وانت بتبكي .. ... يارب مكنتش اسجد لحد غيرك ولا لاكون ..

سجد وجهي للذي خلقه و صوره و شق فيه سمعه و بصره ..
سجد لك وجهي و سمعي و عظمي و عقلي و عصبي و بصري ..يا حبيبي
قوله .. انا جيتلك يارب .. مليش غيرك .. انا مقصر ف حقك و برده مليش غير كرمك و رحمتك .. يارب انت ارحم على الوليد من امه .. و شفاءنا من معاصينا و ذنوبنا و تعبنا من اي حاجه عندك انت .. اشفينا من معاصينا ..

اسالك بنور وجهك الذي تلالات له الظلمات و صلح عليه امر الدنيا و الاخره اسالك حبك .. اسالك حبك ..
يا رجاءنا اذا انقطعت الاسباب ..

و اخيرا خلصت الصلاه ...

احساسك انك زعلان من جواك .. يعني كدا يارب المقابله خلصت .. خلاص كدا انت مش مقبل عليه دلوقت زي ما كنت ف الصلاه ..

احساسك انك عاوز العصر يجي بسرعه و بعد العصر المغرب و بعد المغرب العشا و بعد العشا الفجر ..

مشتاق له من جواك .. بتحبه لانه حبيبك .. ملكش غيره

احساسك انه وفقك انت مين بين كل الناس دي للصلاه بين ايده ف خشوع و بكاء .. احساسك بحبه ..

و كانت بجد بجد .. اول مره اصلي فيها بجد
[/size]

المساهمات : 297 تاريخ التسجيل : 03/06/2008 العمر : 35